Starvslýsing stovnað
05-05-2022
Umsóknarfreist
27-05-2022

Spennandi avloysarastarv í okkara kundatænastu

Avloysarastarv í kundatænastuni

Strandfaraskip Landsins hevur eina lógarásetta flutningsskyldu av fólki og farmi. Hvønn dag røkja vit hesa skyldu við ágrýtni og dugnaskapi. Starvsfólk, skip og bussar eru við til at binda oyggjar, bygdir og fólk saman á tryggan og góðan hátt. Ynskir tú eisini at gerast partur av okkara fjølbroytta og dugnaliga starvsfólkstoymi? Søkt verður eftir einum avloysara í kundatænastuni.

 

Um tær dámar væl at veita eina góða tænastu, so hava vit eitt spennandi starv til tín í summar.

Talan er um avloysarastarv í kundatænastuni, starvsstaðurin er í Tórshavn og/ella á Tvøroyri.

 

Starvslýsing

Sum avloysari í kundatænastuni er tín uppgáva at leiðbeina ferðafólki og øðrum viðskiftafólki, ið seta seg í samband við okkum á Farstøðini ella ringja inn.

 

Starvsbyrjan er í juni 2022 og 10-12 vikur fram, ella eftir nærri avtalu. Arbeiðstíðin er frá  kl. 8:00 til 16:00 allar gerandisdagar. Tó kann hetta tillagast nakað innanfyri hetta tíðarskeið eftir nærri avtalu.

 

Sum móttøkufólk vænta vit, at tú:

·       Dugur væl at samskifta og vegleiða ferðafólki á føroyskum, enskum og donskum.

·       Ert fyrikomandi, álítandi og kundavinarlig/ur

·       Hevur góðan røkjuskap

·       Kanst arbeiða sjálvstøðugt eins og í toymi

·       Hevur góðar førleikar við teldu og hevur hegni til at seta teg inn í ymiskar telduskipanir.

 

Lønar- og setanarviðurskifti

 
Setanartreytir verða sambært sáttmála millum Fíggjarmálaráðið og Starvsmannafelagið. Starvið verður tímalønt sambært galdandi sáttmála.   Umsóknarfreist er fríggjadagin 27. maj 2022 kl. 12.00. Innkomnar umsóknir verða tó viðgjørdar leypandi. Nærri upplýsingar um størvini kunnu fáast við at venda sær til Farstøðina á tlf. 343000 ella við at senda ein teldupost til Tórfríð Johannesen á toj@ssl.fo ella til Maiken Poulsen á mpo@ssl.fo.

 

Um Strandfaraskip Landsins:

Strandfaraskip Landsins er ein stovnur við spjaddum virksemi kring landið, ið virkar allar dagar í vikuni, eisini uttan fyri vanliga arbeiðstíð.
Stovnurin er landsfyritøka undir Fíggjarmálaráðnum, hvørs endamál er at lúka landsins tørv á innanlands fólka- og farmaflutningi. Fyritøkan umsitur 29 farleiðir, har av 7 Oyggjaleiðir og 22 Bygdaleiðir. 
Til at røkja hesar leiðir hevur SSL 9 ferjur og 48 bussar. Samlaða ferðafólkatalið í 2021 var umleið 1050.000 ferðandi, har av umleið 650.000 brúktu ferjurnar á Oyggjaleiðum og á leið 400.000 nýttu bussarnar á Bygdaleiðum. Til at røkja hesar tænastur hevur SSL umleið 170 starvsfólk. Fyrisitingin er skipað í 5 deildir: Fíggjardeild, Samferðsludeild, Sjódeild, KT-deild og Starvsfólkadeild.

 


Søk starvið

Aftur til listan